திருமண அழைப்பிதழ் கொடுக்க சென்ற மணமகன் ெரயிலில் இருந்து தவறிவிழுந்து சாவு

சோழவந்தான்

நாகர்கோவிலை சேர்ந்தவர் கிரிஸ்டல் டேனியல்(வயது 25). இவருக்கு வருகிற அக்டோபர் மாதம் திருமணம் நடைபெற இருந்தது. இவர் சென்னையில் உள்ள தனது நண்பர்களுக்கு திருமண அழைப்பிதழ் கொடுப்பதற்காக நேற்றுமுன்தினம் இரவு கன்னியாகுமரியில் இருந்து சென்னைக்கு ெரயிலில் சென்றார். சமயநல்லூர்-சோழவந்தான் இடையே கழிப்பறை செல்லும்போது அவர் எதிர்பாராதவிதமாக ெரயிலில் இருந்து தவறி விழுந்தார். இதில் படுகாயம் அடைந்து அவர் பரிதாபமாக இறந்தார். இது குறித்து மதுரை ெரயில்வே போலீஸ் சப்-இன்ஸ்பெக்டர் சுகுமாறன் மற்றும் போலீசார் வழக்கு பதிவு செய்து விசாரணை நடத்தி வருகின்றனர். நண்பர்களுக்கு, திருமண அழைப்பிதழ் கொடுக்க சென்றவர் ரெயிலில் இருந்து தவறி விழுந்து இறந்த சம்பவம், அவரது குடும்பத்தினர் மத்தியில் பெரும் சோகத்தை ஏற்படுத்தி உள்ளது.