விபத்தில் காவலாளி பலி

கடத்தூர்

கோபி அருகே உள்ள முத்துக்காளிமடையை சேர்ந்தவர் ராசான் (வயது 55). இவர் அந்த பகுதியில் உள்ள கடையில் காவலாளியாக வேலை செய்து வந்தார். இவர் நேற்று சத்தியமங்கலம்- கோபி மெயின்ரோட்டில் குள்ளம்பாளையம் பிரிவு அருகே சைக்கிளை தள்ளிக்கொண்டு ரோட்டை கடக்க முயன்றார். அப்போது அந்த வழியாக வந்த சரக்கு வேன் மோதியதில் ராசான் காயம் அடைந்தார். உடனே அவரை அக்கம் பக்கத்தினர் மீட்டு சிகிச்சைக்காக கோபி அரசு ஆஸ்பத்திரிக்கு கொண்டு சென்றனர். ஆனால் செல்லும் வழியிலேயே ராசான் பரிதாபமாக இறந்தார். இதுகுறித்து கோபி போலீசார் வழக்குப்பதிவு விசாரணை நடத்தி வருகின்றனர்.