கார் மோதி காயம் அடைந்தவர் சாவு

நெல்லை அருகே உள்ள கங்கைகொண்டான் துறையூர் பாரதிநகரை சேர்ந்தவர் மாடசாமி. இவரின் மகன் சசிகுமார் (வயது 42). இவர் கடந்த சில நாட்களுக்கு முன்பு துறையூர் நான்குவழி சாலையை கடக்க முயன்றபோது அந்த வழியாக வந்த கார் மோதியதில் படுகாயம் அடைந்தார். உடனடியாக அந்த பகுதியில் இருந்தவர்கள் அவரை மீட்டு பாளையங்கோட்டை ஐகிரவுண்டு அரசு ஆஸ்பத்திரியில் சிகிச்சைக்காக சேர்த்தனர். அவருக்கு அங்கு சிகிச்சை அளிக்கப்பட்டு வந்தது. இந்த நிலையில் அவர் நேற்று இரவு உயிர் இழந்தார். இதுகுறித்து கங்கைகொண்டான் போலீசார் வழக்குப்பதிவு செய்து விசாரணை நடத்தி வருகின்றனர்.