அண்ணனை இரும்பு கம்பியால் தாக்கியவர் கைது

நெல்லை படப்பகுறிச்சி காந்தி தெருவை சேர்ந்தவர் பொன்னையா. இவரின் மகன்கள் மாடசாமி (வயது 40), தர்மேந்திரா (35). இவர்கள் ஒரே வீட்டில் வசித்து வருகிறார்கள். இந்த நிலையில் அண்ணன், தம்பிக்குள் சொத்து பிரச்சினை தொடர்பாக தகராறு ஏற்பட்டது. தகராறு முற்றவே வீட்டில் இருந்த இரும்பு கம்பியால் தர்மேந்திரா தனது அண்ணன் மாடசாமியை தாக்கினாராம். இதில் அவர் காயம் அடைந்தார்.

இதுகுறித்து பாளையங்கோட்டை போலீசார் வழக்குப்பதிவு செய்து தர்மேந்திராவை கைது செய்தனர்.