மனைவியை அரிவாளால் வெட்டியவர் கைது

ஏர்வாடி:

திருக்குறுங்குடி அருகே தளவாய்புரம் காலனி நடு தெருவைச் சேர்ந்தவர் முத்துகுமார் (வயது 43). இவருடைய மனைவி பிரேமா (40). இவர்களுக்கு 2 குழந்தைகள் உள்ளனர். இந்த நிலையில் கணவன்- மனைவி இடையே குடும்ப தகராறு ஏற்பட்டது. சம்பவத்தன்று அவர்களுக்கு இடையே மீண்டும் தகராறு ஏற்பட்டது.

இதில் ஆத்திரமடைந்த முத்துகுமார் மனைவியை கம்பால் தாக்கினார். மேலும் அவரை அரிவாளால் வெட்டி கொலைமிரட்டல் விடுத்தார். இதில் காயமடைந்த பிரேமா நாங்குநேரி அரசு மருத்துவமனையில் சிகிச்சை பெற்றார். இதுகுறித்து திருக்குறுங்குடி போலீஸ் சப்-இன்ஸ்பெக்டர் சுபாஷினி வழக்குப்பதிவு செய்து முத்துகுமாரை கைது செய்தார்.