பெண்களை விபசாரத்தில் ஈடுபடுத்தியவர் கைது

திருச்சி தில்லைநகர் 11-வது குறுக்குத்தெருவில் உள்ள ஒரு வீட்டின் முதல்தளத்தில் விபசாரம் நடப்பதாக தில்லைநகர் போலீசாருக்கு தகவல் கிடைத்தது. இன்ஸ்பெக்டர் கருணாகரன் தலைமையிலான போலீசார் நேற்று முன்தினம் காலை அந்த வீட்டில் புகுந்து சோதனை நடத்தினார்கள். அங்கு சிலர் பெண்களை வைத்து விபசாரத்தில் ஈடுபட்டனர். இதையடுத்து அங்கிருந்த சென்னையை சேர்ந்த 4 பெண்களை போலீசார் மீட்டு காப்பகத்தில் ஒப்படைத்தனர். மேலும், இது குறித்து வழக்குப்பதிவு செய்து, பெண்களை விபசார தொழிலில் ஈடுபடுத்தியதாக பாலக்கரையை சேர்ந்த பரகத்நிஷா (வயது 38) என்பவரை கைது செய்தனர். அங்கிருந்து 6 செல்போன்களை பறிமுதல் செய்தனர். இது தொடர்பாக மேலும் 2 பேரை தேடி வருகிறார்கள்.