என்ஜினீயர் வீட்டில் திருடியவர் கைது

நெல்லை புதிய பஸ்நிலையம் அருகில் உள்ள சேவியர் காலனியை சேர்ந்தவர் ரெஜின் ராகுல் (வயது 36). இவர் பொதுப்பணித்துறையில் உதவி என்ஜினீயராக பணியாற்றி வருகிறார். இவருடைய மனைவி வங்கி ஒன்றில் பணியாற்றி வருகிறார். இவர்கள் கடந்த 11-ந்தேதி வெளியூருக்கு சென்றனர். இதனை அறிந்த மர்மநபர் ஒருவர், வீட்டுக்குள் புகுந்து வீட்டில் இருந்த மொபட் உள்ளிட்டவைகளை திருடி சென்றுள்ளார்.

இதுகுறித்து மேலப்பாளையம் போலீசார் வழக்குப்பதிவு செய்து விசாரணை நடத்தி வந்தனர். விசாரணையில், மதுரை விளாங்குடியை சேர்ந்த ஆபிரகாம் மகன் பெஞ்சமின் (30) என்பது தெரியவந்தது. இதனையடுத்து போலீசார் அவரை கைது செய்தனர்.