வைக்கோல் படப்புக்கு தீ வைத்த மர்ம நபர்கள்

கூடலூர் சுக்காங்கல்பட்டியை சேர்ந்தவர் ராஜா. கருநாக்கமுத்தன்பட்டியை சேர்ந்தவர் அழகேசன். இவர்கள் இருவரும் மொத்தமாக வைக்கோல்களை விலைக்கு வாங்கி அதே பகுதியில் உள்ள அரசு விதைப்பண்ணை அருகே வைத்திருந்தனர். நேற்று முன்தினம் இரவு வைக்கோல் படப்பு அருகே ராஜா தூங்கிக்கொண்டிருந்தார். அப்போது இரவு 11 மணி அளவில் அங்கு வந்த மர்ம நபர்கள் வைக்கோல் படப்பில் தீ வைத்துவிட்டு தப்பி ஓடி விட்டனர். இதில் தீ மளமளவென பரவி வைக்கோல் படப்பு பற்றி எரிந்தது. இதுகுறித்து கம்பம் தீயணைப்பு படையினருக்கு தகவல் தெரிவிக்கப்பட்டது. அதன்பேரில் நிலைய அலுவலர் ராஜலட்சுமி தலைமையில் படைவீரர்கள் வந்து தீயை அணைத்தனர். ஆனால் வைக்கோல் படப்பு முழுவதும் தீயில் எரிந்து நாசமானது. இதுகுறித்து கூடலூர் தெற்கு போலீசில் ராஜா புகார் கொடுத்தார். அதன்பேரில் போலீசார் விசாரணை நடத்தி வருகின்றனர்.