முதியவர் பலி

பட்டுக்கோட்டை அருகே மோட்டார்சைக்கிள்கள் மோதியதில் முதியவர் பலியானார். இதுதொடர்பாக வாலிபரை போலீசார் கைது செய்தனர்.

மோட்டார்சைக்கிள்கள் மோதல்

பட்டுக்கோட்டை நேரு நகரை ேசர்ந்தவர் முருகையன் (வயது63). சம்பவத்தன்று இவர் கடைத்தெருவிற்கு சென்று வீட்டுக்கு தேவையான பொருட்களை வாங்கி கொண்டு மோட்டார் சைக்கிளில் வீட்டிற்கு வந்து கொண்டிருந்தார்.

அப்போது எதிரே தங்கவேல் நகரை சேர்ந்த முகமது ரபீக் (33) என்பவர் ஓட்டிவந்த மோட்டார் சைக்கிள் எதிர்பாராதவிதமாக முருகையன் மோட்டார்சைக்கிள் மீது மோதியது.

கைது

இதில் படுகாயம் அடைந்த முருகையனை அக்கம் பக்கத்தினர் மீட்டு பட்டுக்கோட்டை அரசு ஆஸ்பத்திரியில் சேர்த்தனர். அங்கு அவரை பரிசோதித்த டாக்டர்கள் முருகையன் ஏற்கனவே இறந்து விட்டதாக கூறினர்.

இதுபற்றி முருகையனின் மகன் மணிகண்டன் பட்டுக்கோட்டை நகர போலீசில் புகார் செய்தார். அதன்பேரில் போலீசார் வழக்குப்பதிவு செய்து முகமது ரபீக்கை கைது செய்து விசாரணை நடத்தி வருகின்றனர்.