பஸ் கண்டக்டரை தாக்கியவர் கைது

திருச்சி கீழகல்கண்டார்கோட்டையை சேர்ந்தவர் மாரிமுத்து (வயது 56). இவர் அரசு பஸ்சில் கண்டக்டராக பணியாற்றி வருகிறார். இவர் சம்பவத்தன்று மத்திய பஸ் நிலையத்தில் இருந்து சத்திரம் பஸ் நிலையம் நோக்கி சென்றபோது, பணியில் இருந்தார். அப்போது தலைமை தபால் நிலையம் அருகே பஸ் வந்தபோது டி.வி.எஸ்.டோல்கேட் முடுக்குப்பட்டியை சேர்ந்த சரவணன் (25) என்பவர் பஸ்சில் ஏறினார். அப்போது டிக்கெட் வாங்குவது குறித்து மாரிமுத்துவுக்கும், சரவணனுக்கும் இடையே வாக்குவாதம் ஏற்பட்டு தகராறு ஆனது. இதில் சரவணன் தன்னை தாக்கியதாக மாரிமுத்து கண்டோன்மெண்ட் போலீசில் புகார் அளித்தார். அதன் பேரில் போலீசார் வழக்குப்பதிவு செய்து, சரவணனை கைது செய்தனர்.