தொழிலாளியை தாக்கியவர் சிறையில் அடைப்பு

இலுப்பூர் அருகே உள்ள மாராயப்பட்டி பகுதியை சேர்ந்தவர் பாக்கியராஜ் (வயது 47). தொழிலாளி. இவருக்கும் அதே பகுதியை சேர்ந்த அவரது உறவினர் பழனிச்சாமி (38) என்பவருக்கும் இடையே இடப்பிரச்சினை இருந்து வந்ததாக கூறப்படுகிறது. இந்த நிலையில் பாக்கியராஜை, பழனிச்சாமி தகாத வார்த்தையால் திட்டி தாக்கியதாக கூறப்படுகிறது. இதில் படுகாயமடைந்த பாக்கியராஜ் புதுக்கோட்டை அரசு மருத்துவக்கல்லூரி மருத்துவமனையில் அனுமதிக்கப்பட்டார். இதுகுறித்து பாக்கியராஜ் இலுப்பூர் போலீஸ் நிலையத்தில் புகார் அளித்தார். அதன் பேரில் போலீசார் வழக்குப்பதிவு செய்து பழனிச்சாமியை கைது செய்து சிறையில் அடைத்தனர்.