கொலை மிரட்டல் விடுத்தவர் கைது

நன்னிலம் அருகே உள்ள பண்ணை வளாகம் பகுதியை சேர்ந்த மாரிமுத்து, அரவிந்த். பூந்தோட்டம் அருகே உள்ள பொரக்குடி பகுதியைச் சேர்ந்தவர் சரவணன்(வயது37). இந்தநிலையில் மாரிமுத்து, அரவிந்த் ஆகிய 2 பேரையும் வெளிநாட்டிற்கு அழைத்து செல்வதாக கூறி, அவர்களிடம் சரவணன் ரூ.1 லட்சத்து 40 ஆயிரம் பெற்றுள்ளார். ஆனால் நீண்ட நாட்கள் ஆகியும் வெளிநாட்டிற்கு அழைத்து செல்லாததால் சரவணனிடம் 2 பேரும் பணத்தை திரும்ப கேட்டுள்ளனர். ஆனால் சரவணன் அவர்களுக்கு பணத்தை திருப்பி கொடுக்காமல் அவர்களை தகாத வார்த்தைகளால் திட்டி கொலை மிரட்டல் விடுத்துள்ளார். இதுகுறித்து மாரிமுத்து, அரவிந்த் ஆகியோர் நன்னிலம் போலீசில் புகார் கொடுத்தார். அதன்பேரில் போலீசார் வழக்குப்பதிவு செய்து சரவணனை கைது செய்து விசாரணை நடத்தி வருகின்றனர்.