மின்வாரிய ஊழியர் வீட்டில் நகை திருடியவர் கைது

அயோத்தியாப்பட்டணம்:-

அயோத்தியாப்பட்டணத்தை அடுத்த மின்னாம்பள்ளி பகுதியை சேர்ந்தவர் மாதேஸ்வரி (வயது 52). இவர், உடையாப்பட்டி பகுதியில் மின்வாரிய அலுவலகத்தில் அக்கவுண்ட் மேற்பார்வையாளராக பணிபுரிந்து வருகிறார். இவர் குடும்பத்துடன் வெளியூர் சென்ற போது மர்மநபர்கள் வீட்டின் பூட்டை உடைத்து பீரோவில் இருந்த 10 பவுன் தங்க நகை, ரூ.40 ஆயிரத்தை திருடி சென்றனர்.

இதுகுறித்து மாதேஸ்வரி கொடுத்த புகாரின் பேரில் காரிப்பட்டி போலீசார் வழக்குப்பதிவு செய்து விசாரணை நடத்தி வந்தனர். விசாரணையில், மாதேஸ்வரி வீட்டில் திருடியது உளுந்தூர்பேட்டை பகுதியை சேர்ந்த குமரவேல் (23) என்பது தெரிய வந்தது. உடனே போலீசார் அவரை கைது செய்தனர். அவரிடம் இருந்து 6 பவுன் நகையை மீட்டனர். இந்த திருட்டு தொடர்பாக மேலும் ஒருவரை போலீசார் தேடி வருகின்றனர்.