வாலிபருக்கு கொலை மிரட்டல் விடுத்தவர் கைது

ஊட்டி,

ஊட்டி எல்க்ஹில் பகுதியை சேர்ந்தவர் கார்த்திக் (வயது 33). இவர் நேற்று முன்தினம் குட்செட் சாலையில் மீன் கடை அருகே நின்று கொண்டிருந்தார். அப்போது அங்கு வந்த ஒருவர் கார்த்திக்கிடம், மது குடிக்க பணம் கேட்டு தகராறு செய்துள்ளார். அதற்கு பணம் தர கார்த்திக் மறுத்தார். இதனால் அவர்களுக்கு இடையே வாக்குவாதம் முற்றியது. ஒரு கட்டத்தில் ஆத்திரம் அடைந்த அந்த நபர் பணம் தராவிட்டால் கொலை செய்து விடுவேன் என மிரட்டல் விடுத்தார். இதுகுறித்த புகாரின் ேபரில் ஊட்டி போலீசார் அந்த நபரை பிடித்து விசாரணை நடத்தினர். இதில் காந்தல் முக்கோணம் பகுதியை சேர்ந்த ஹரிஷ் என்ற எட்வின் லாரன்ஸ் என்பதும், மது குடிக்க பணம் கேட்டு தகராரில் ஈடுபட்டதும் தெரிய வந்தது. இதையடுத்து போலீசார் ஹரிசை கைது செய்தனர்.