விஷம் குடித்த தொழிலாளி சிகிச்சை பலனின்றி சாவு

திருப்பனந்தாள்:

பந்தநல்லூர் அருகே குலசேகரநல்லூர் தோப்பு தெருவை சேர்ந்தவர் ராமதுரை(வயது 52) கூலித்தொழிலாளி. இவருக்கு பழனியம்மாள் என்ற மனைவியும், மூன்று பெண் குழந்தைகளும் உள்ளனர். குடும்ப பிரச்சினை காரணமாக ராமதுரை கடந்த 30-ந்தேதி வீட்டில் வைத்திருந்த பூச்சி மருந்தை(விஷம்) குடித்தார். இதில் உயிருக்கு ஆபத்தான நிலையில் இருந்த அவரை உடனடியாக தஞ்சை ஆஸ்பத்திரியில் சேர்த்தனர். அங்கு சிகிச்சை பலனின்றி நேற்று ராமதுரை இறந்தார். இதுகுறித்து பந்தநல்லூர் போலீசார் வழக்குப்பதிவு செய்து விசாரணை நடத்தி வருகின்றனர்.