ஓசூர் அருகே விபத்தில் வாலிபர் சாவு

ஓசூர்

கர்நாடக மாநிலம் பெங்களூரு மத்திகெரே பகுதியை சேர்ந்தவர் சீனிவாசன். இவரது மகன் ஜெய் தீபக்குமார் (வயது19). இவர் ஓசூரில் இருந்து பேரண்டபள்ளி தேசிய நெடுஞ்சாலையில், வனப்பகுதி அருகே ஸ்கூட்டரில் வந்து கொண்டு இருந்தார். அப்போது, பின்னால் வந்த அடையாளம் தெரியாத வாகனம் ஸ்கூட்டர் மீது மோதி விட்டு நிற்காமல் சென்று விட்டது. இந்த விபத்தில் ஜெய் தீபக்குமார் படுகாயம் அடைந்து சம்பவ இடத்திலேயே பரிதாபமாக இறந்தார். இதுகுறித்து ஓசூர் அட்கோ போலீசார் வழக்குப்பதிவு செய்து விசாரணை நடத்தி வருகின்றனர்.