வாலிபர் பலி

சங்கரன்கோவில்:

சிவகிரி அருகே தென்மலை கிராமத்தைச் சேர்ந்தவர் வேலு மகன் வைரமுத்து (வயது 33). கூலி தொழிலாளியான இவர் தென்மலையில் இருந்து கரிவலம்வந்தநல்லூருக்கு மோட்டார் சைக்கிளில் சென்று கொண்டிருந்தார். கரிவலம்வந்தநல்லூர் அருகில் சென்றபோது, எதிரே வந்த லாரி எதிர்பாராதவிதமாக மோட்டார் சைக்கிளின் மீது மோதியது.

இதில் படுகாயமடைந்த வைரமுத்துக்கு சங்கரன்கோவில் அரசு ஆஸ்பத்திரியில் முதலுதவி சிகிச்சை அளித்து, மேல் சிகிச்சைக்காக பாளையங்கோட்டை ஐகிரவுண்டு அரசு ஆஸ்பத்திரிக்கு கொண்டு சென்றனர். ஆனால் அங்கு செல்லும் வழியிலேயே அவர் பரிதாபமாக இறந்தார். இதுகுறித்த புகாரின்பேரில், கரிவலம்வந்தநல்லூர் போலீசார் வழக்குப்பதிவு செய்து, லாரி டிரைவரான ஊத்துமலையைச் சேர்ந்த ஜெயக்குமாரிடம் விசாரித்து வருகின்றனர்.