கால்வாயில் தவறி விழுந்து தொழிலாளி பலி

மதுரை ஒத்தக்கடை பாண்டியன்நகர் பகுதியைச் சேர்ந்தவர் பால்பாண்டி (வயது 50). பழைய இரும்பு கடையில் தொழிலாளியாக வேலை பார்த்து வந்தார். இந்த நிலையில் தபால்தந்தி நகர் பகுதியில் வந்து கொண்டிருந்தபோது, எதிர்பாராத விதமாக கால்வாயில் தவறி விழுந்தார். இதில் பலத்த காயம் அடைந்த அவர் சம்பவ இடத்திலேயே உயிரிழந்தார். விசாரணையில் அவர் குடிபோதையில் தவறி விழுந்தது தெரியவந்தது. இது குறித்து தல்லாகுளம் போலீசார் வழக்கு பதிவு செய்து விசாரணை நடத்தி வருகின்றனர்.