விபத்தில் தொழிலாளி பலி

தாயில்பட்டி,

சிவகாசி ரிசர்வ் லைன் சிலோன் காலனியை சேர்ந்தவர் ஐயப்பன் (வயது 42). இவர் பட்டாசு ஆலையில் வேலை பார்த்து வந்தார். இந்தநிலையில் இவர் வெம்பக்கோட்டை அருகே இரு சக்கர வாகனத்தில் வேலைக்கு சென்று கொண்டிருந்தபோது கோட்டைப்பட்டியிலிருந்து அச்சங்குளம் செல்லும் சாலையில் உள்ள வளைவில் எதிர்பாராத விதமாக கட்டுப்பாட்டை இழந்து இருசக்கர வாகனம் கவிழ்ந்தது. இதில் பலத்த காயம் அடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து ஏழாயிரம் பண்ணை போலீசார் வழக்குப்பதிவு செய்து விசாரணை நடத்தி வருகின்றனர்.