தொழிலாளி மயங்கி விழுந்து சாவு

வளவனூர்

வளவனூர் அருகே தனசிங்கபாளையம் கிராமம் மாரியம்மன் கோவில் தெருவை சேர்ந்தவர் சிவப்பிரகாசம்(வயது 52). தொழிலாளியான இவர் சம்பவத்தன்று வீட்டின் முன்பு உள்ள பாலத்தில் அமர்ந்திருந்த போது திடீரென மயங்கி பின் பக்கமாக 6 அடி பள்ளத்தில் விழுந்தார். இதில் படுகாயம் அடைந்த அவரை அவரது குடும்பத்தினர் சிகிச்சைக்காக சென்னை ஸ்டான்லி அரசு மருத்துவ கல்லூரி ஆஸ்பத்திரியில் சேர்த்தனர். அங்கு சிகிச்சை பலன் இன்றி சிவபிரகாசம் பரிதாபமாக இறந்தார். இது குறித்து வளவனூர் போலீசார் வழக்குப்பதிவு செய்து விசாரணை நடத்தி வருகின்றனர்.