பட்டறையில் திருடிய வாலிபர் கைது

தச்சநல்லூர்:

நெல்லை அருகே தச்சநல்லூர் வெட்காளியம்மன் கோவில் அருகே கணேசன் என்பவருக்கு சொந்தமான பித்தளை பாலிஸ் பட்டறை உள்ளது. இங்கு கடந்த சில நாட்களுக்கு முன்பு கடையின் பூட்டை உடைத்த மர்மநபர், அங்கு இருந்த ரூ.15 ஆயிரத்தை திருடி சென்றார். இதுகுறித்து தச்சநல்லூர் போலீசார் வழக்குப்பதிவு செய்து விசாரணை நடத்தினர். விசாரணையில், தச்சநல்லூர் வாலாஜாபேட்டை பகுதியை சேர்ந்த சுந்தர்ராஜ் மகன் அருண்குமார் (வயது 23) என்பவர் பணத்தை திருடியது தெரியவந்தது. இதனையடுத்து போலீசார் அவரை நேற்று கைது செய்தனர்.