டாக்டர் வீட்டில் நகை-பணம் திருட்டு

தர்மபுரி காந்திநகர் பகுதியை சேர்ந்தவர் மணிவாசகம் (வயது 30). டாக்டர். இவர் வீட்டை பூட்டிவிட்டு மாரண்டள்ளியில் உள்ள உறவினர் வீட்டுக்கு சென்று விட்டு மீண்டும் வீட்டுக்கு வந்தார். அப்போது வீட்டின் கதவில் போடப்பட்டிருந்த பூட்டு உடைக்கப்பட்டு இருந்தது. வீட்டின் உள்ளே சென்று பார்த்தபோது பீரோவில் வைத்திருந்த 8 பவுன் நகைகள், வெள்ளி பொருட்கள் மற்றும் ரூ.7,500 ஆகியவை திருட்டு போனது தெரிந்தது. இதுகுறித்து மணிவாசகம் தர்மபுரி டவுன் போலீஸ் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.