பாப்பிரெட்டிப்பட்டி அருகே ரூ.4½ லட்சம் மின் கம்பிகள் திருட்டு

பாப்பிரெட்டிப்பட்டி:

பாப்பிரெட்டிப்பட்டி அருகே உள்ள எச்.புதுப்பட்டி துணை மின்நிலையத்தில் உதய் திட்டத்தின் கீழ் புதிதாக மின்பாதைகள் அமைக்க ரூ.4 லட்சத்து 46 ஆயிரம் மதிப்பிலான மின் கம்பிகள் வைக்கப்பட்டு இருந்தது. இதனை மர்ம நபர்கள் திருடி சென்றனர். இதுகுறித்து கோபிநாதம்பட்டி மின் வாரிய இளநிலை பொறியாளர் சக்தி ஏ.பள்ளிப்பட்டி போலீசில் புகார் அளித்தார். அதன்பேரில் போலீஸ் இன்ஸ்பெக்டர் (பொறுப்பு) லதா வழக்குப்பதிவு செய்து, விசாரணை நடத்தி வருகிறார்.