மோட்டார் சைக்கிள் திருட்டு

பாலக்கோடு:

பாலக்கோடு பாமாண்டி தெருவை சேர்ந்தவர் தென்னரசு (வயது 51). கட்டிட காண்டிராக்டர். இவர் நேற்று முன்தினம் மாலை தனது மோட்டார் சைக்கிளில் தேர்முட்டி பகுதிக்கு சென்றார். அங்கு மோட்டார் சைக்கிளை நிறுத்தி விட்டு, கடைக்கு சென்று பொருட்களை வாங்கினார். பின்னர் திரும்பி வந்து பார்த்தபோது, மோட்டார் சைக்கிள் திருடப்பட்டு இருந்தது. பல இடங்களில் தேடியும் மோட்டார் சைக்கிள் கிடைக்கவில்லை. இதுதொடர்பாக பாலக்கோடு போலீசில் புகார் அளிக்கப்பட்டது. அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.