மோட்டார் சைக்கிள் திருட்டு

காரியாபட்டி,

மதுரை மாவட்டம், திருமங்கலத்தை சேர்ந்தவர் ஜித்தேந்தி பிரணவ் (வயது 21). இவர் காரியாபட்டி அருகே உள்ள ஒரு தனியார் பொறியியல் கல்லூரிக்கு மோட்டார் சைக்கிளில் சென்றார். கல்லூரி முன்பு மோட்டார்சைக்கிளை நிறுத்திவிட்டு அவர் உள்ளே சென்றார். சிறிது நேரம் கழித்து திரும்பி வந்து பார்த்தபோது மோட்டார்சைக்கிளை காணவில்லை. மர்மநபர்கள் திருடி சென்று விட்டனர். இதுகுறித்து ஜித்தேந்தி பிரணவ் ஆவியூர் போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரித்து வருகின்றனர்.