சரக்கு வாகனம் திருட்டு

விழுப்புரம்

விழுப்புரம் பானாம்பட்டு தெற்கு தெருவை சேர்ந்தவர் விமல்ராஜ்(வயது 30). இவர் தனக்கு சொந்தமான சரக்கு வாகனத்தை கடந்த 28-ந் தேதி மாலை கோலியனூர் கூட்டுசாலையில் உள்ள பாடிபில்டர் ஒர்க்‌ஷாப்பில் பெயிண்டிங் வேலைக்காக நிறுத்தியிருந்தார். பின்னர் மறுநாள் சென்று பார்த்தபோது அந்த சரக்கு வாகனத்தை காணவில்லை. யாரோ மர்ம நபர்கள் திருடிச்சென்றிருப்பது தெரியவந்தது. இதுகுறித்து விமல்ராஜ், வளவனூர் போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து சரக்கு வாகனத்தை திருடிச்சென்ற மர்ம நபர்களை வலைவீசி தேடி வருகின்றனர்.