அரிவாளை காட்டி மிரட்டிய வாலிபர் கைது

வேதாரண்யம்:

வேதாரண்யம் தாலுகா கோவில்பத்து பெருமாள் கோவிலை சேர்ந்தவர் பாலசுப்பிரமணியன். இவருடைய மகன் மருதுபாண்டியன் (வயது 29). இவர் நேற்று கோவில்பத்து டாஸ்மாக் கடை முன்பு அரிவாளுடன் நின்று கொண்டு அந்த வழியாக சென்றவரை மிரட்டி உள்ளார். இதுகுறித்து அந்த பகுதியினர் வேட்டை காரனிருப்பு போலீசாருக்கு தகவல் தெரிவித்தனர். அதன்பேரில் போலீஸ் சப்-இன்ஸ்பெக்டர் தேவசேனாதிபதி மற்றும் போலீசார் சம்பவ இடத்திற்கு சென்று மருதுபாண்டியனை கைது செய்தனர். பின்னர் அவரை வேதாரண்யம் குற்றவியல் நடுவர் நீதிமன்றத்தில் ஆஜர்படுத்தி நாகை கிளை சிறையில் அடைத்தனர்