தமிழகத்தில் இன்று 8 பேருக்கு கொரோனா பாதிப்பு

சென்னை,

தமிழகத்தில் கடந்த பல மாதங்களாகவே கொரோனா பாதிப்பு அதிரடியாக குறைந்து வருகிறது. அந்த வகையில் இன்று 8 பேருக்கு கொரோனா தொற்று உறுதி செய்யப்பட்டுள்ளது. தமிழகத்தில் கடந்த 24 மணி நேர கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:-

தமிழகத்தில் இன்று புதிதாக 4 ஆண், 4 பெண்கள் உள்பட மொத்தம் 8 பேருக்கு கொரோனா உறுதி செய்யப்பட்டுள்ளது. சென்னை, திண்டுக்கல் உள்பட மொத்தம் 7 மாவட்டங்களில் தொற்று பாதிப்பு பதிவாகியுள்ளது. 31 மாவட்டங்களில் பாதிப்பு இல்லை. தமிழகத்தில் கொரோனா தோற்றால் இன்று எந்த மாவட்டத்திலும் உயிரிழப்பு ஏற்படவில்லை.