தமிழகத்தில் ஒரே நாளில் 2,765- பேருக்கு கொரோனா

சென்னை,

தமிழகத்தில் கடந்த சில நாட்களாக கொரோனா பரவல் அதிகரித்து வருகிறது. அந்த வகையில் இன்று தொற்று பாதிப்பு நேற்றை விட அதிகரித்துள்ளது. தமிழகத்தில் கடந்த 24 மணி நேர கொரோனா பாதிப்பு விவரத்தை மக்கள் நல்வாழ்வு மற்றும் மருத்துவத்துறை வெளியிட்டுள்ளது. அதன் விவரம் வருமாறு:-

தமிழகத்தில் ஒருநாள் கொரோனா பாதிப்பு 2,765 ஆக அதிகரித்துள்ளது. கொரோனா பாதிப்பால் ஒருவர் உயிரிழந்துள்ளார். இதுவரை உயிரிழந்தவர்கள் எண்ணிக்கை 38,028- ஆக உயர்ந்துள்ளது.

சிகிச்சை பெறுவோர் எண்ணிக்கை 17,717 ல் இருந்து 18,378- ஆக உயர்ந்துள்ளது. கொரோனாவில் இருந்து குணம் அடைந்தவர்கள் எண்ணிக்கை 2,103- உள்ளது. சென்னையில் ஒருநாள் கொரோனா தொற்று பாதிப்பு 1,062-ல் இருந்து 1,011- ஆக குறைந்துள்ளது.