புகையிலை விற்றவர் கைது

தென்னிலை அருகே கரைப்பாளையத்தை சேர்ந்தவர் மணி (வயது 55). இவர் அப்பகுதியில் டீக்கடை நடத்தி வருகிறார். நேற்று முன்தினம் இவரது கடையில் தென்னிலை போலீசார் அதிரடி சோதனை நடத்தினர். அப்போது அரசால் தடை செய்யப்பட்ட புகையிலை பொருட்களை விற்பனை செய்தது தெரியவந்தது. இதையடுத்து, விற்பனைக்காக வைத்திருந்த 1¼ கிலோ புகையிலை பொருட்களை பறிமுதல் செய்யப்பட்டது. மேலும் இந்த சம்பவம் தொடர்பாக மணியை போலீசார் கைது செய்து விசாரணை நடத்தி வருகின்றனர்.