புகையிலை விற்றவர் கைது

அரியலூர் மாவட்டம் வி.கைகாட்டி பகுதியில் அரசால் தடை செய்யப்பட்ட புகையிலை பொருட்கள் விற்பனை செய்யப்படுவதாக பல்வேறு புகார் வந்தது. அதன்பேரில் கயர்லாபாத் சிறப்பு சப்-இன்ஸ்பெக்டர் சேகர் தலைமையிலான போலீசார் அப்பகுதியில் ரோந்து பணியில் ஈடுபட்டிருந்தனர். அப்போது உசேனாபாத் பிள்ளையார் கோவில் தெருவை சேர்ந்த சித்திவேல் (வயது 40) என்பவர் தடை செய்யப்பட்ட புகையிலை பொருட்களை விற்பனை செய்தது தெரியவந்தது. இதையடுத்து சித்திவேலை போலீசார் கைது செய்து விசாரணை நடத்தி வருகிறார்கள்.