சுங்கச்சாவடி ஊழியர்கள் ஆதிவாசிபோல் வேடமிட்டு போராட்டம்

பெரம்பலூர் மாவட்டம், மங்களமேட்டை அடுத்த திருமாந்துறையில் உள்ள சுங்கச்சாவடியில் பணியாற்றிய ஊழியர்கள் 28 பேரை பணியிடை நீக்கம் செய்த தனியார் ஒப்பந்த நிர்வாகத்தை கண்டித்து கடந்த மாதம் 1-ந் தேதி முதல் ஊழியர்கள் காத்திருப்பு போராட்டத்தில் ஈடுபட்டு வருகிறார்கள். இவர்களது போராட்டத்திற்கு பல்வேறு அரசியல் கட்சியினர் உள்ளிட்டோர் ஆதரவு தெரிவித்து வருகின்றனர். நீதிமன்றத்தின் உத்தரவு இன்னும் வராதநிலையில், இவர்களது போராட்டம் 47-வது நாளான நேற்றும் தொடர்ந்து நடைபெற்றது. சுங்கச்சாவடி உழியர்கள் தினமும் ஒரு நூதன போராட்டத்தில் ஈடுபட்டு வருகின்றனர். அதன்படி நேற்று நடைபெற்ற போராட்டத்தில் இலை தழைகளை உடலில் கட்டிக்கொண்டு ஆதிவாசிபோல் வேடமிட்டு நூதன போராட்டத்தில் ஈடுபட்டனர்.