குமரிக்கு நாளை உள்ளூர் விடுமுறை

நாகர்கோவில், ஜூலை.5-

குமரி மாவட்ட கலெக்டர் அரவிந்த் வெளியிட்டுள்ள செய்திக்குறிப்பில் கூறியிருப்பதாவது:-

திருவட்டார் ஆதிகேசவ பெருமாள் கோவிலின் மகா கும்பாபிஷேக விழா வருகிற 6-ந் தேதி (அதாவது நாளை) நடைபெறுகிறது. இதனால் நாளை குமரி மாவட்டத்துக்கு உள்ளூர் விடுமுறை அளிக்கப்பட்டுள்ளது. உள்ளூர் விடுமுறைக்கு ஈடாக வருகிற 23-ந் தேதியன்று (சனிக்கிழமை) வேலை நாளாக அறிக்கப்பட்டு அன்றைய தினம் அனைத்து மாநில அரசு அலுவலகங்கள் மற்றும் கல்வி நிறுவனங்கள் செயல்படும். உள்ளூர் விடுமுறையன்று அவசர கால பணிகளுக்காக தலைமை கருவூலகம் மற்றும் கிளை கருவூலகம் அரசு சம்பந்தப்பட்ட அவசர பணிகள் நடைபெறும்.

இவ்வாறு அதில் கூறப்பட்டுள்ளது.