மாடு வளர்ப்பு குறித்த பயிற்சி

வாய்மேடு:

தலைஞாயிறு ஒன்றியம் துளசாபுரம் ஊராட்சியில் ஊரக சுய வேலைவாய்ப்பு பயிற்சி மையம் சார்பில் மாடுகள் வளர்ப்பு, மதிப்புக்கூட்டல் பயிற்சி முடித்தவர்களுக்கு சான்றிதழ் வழங்கும் நிகழ்ச்சி நடந்தது. இந்த நிகழ்ச்சிக்கு மாநில விவசாயிகள் ஆலோசனை குழு உறுப்பினர் மகாகுமார் தலைமை தாங்கினார். ஊராட்சி மன்ற தலைவர் வெங்கடாசலம் முன்னிலை வகித்தார். ஊராட்சி செயலாளர் செல்வராஜ் வரவேற்றார். இதில் ஊரக சுய வேலைவாய்ப்பு பயிற்சி மைய இயக்குனர் நடராஜன் கலந்து கொண்டு பயிற்சி முடித்தவர்களுக்கு சான்றிதழ்கள் வழங்கினார். நிகழ்ச்சியில் உள்ளாட்சி பிரதிநிதிகள் உள்பட பலர் கலந்து கொண்டனர்.