நிலக்கடலை, துவரை விதைப்பண்ணை அமைத்தல் குறித்து பயிற்சி

திருப்பத்தூர்

திருப்பத்தூர் மாவட்ட வேளாண்மை உழவர் நலத்துறை சார்பில் தமிழ்நாடு மாநில வாழ்வாதார இயக்கத்தின் கீழ் மகளிர் திட்டம் மூலம் மகளிர் சுய உதவிக் குழுக்களுக்கு நிலக்கடலை மற்றும் துவரையில் விதைப் பண்ணை அமைக்க கந்திலி வட்டார வேளாண்மை விரிவாக்க மையத்தில் இருந்து மானியத்தில் விதைகள் வழங்கப்பட்டு, வேளாண்மை அலுவலகத்தில் பயிற்சி முகாம் நடைபெற்றது. நிகழ்ச்சிக்கு வேளாண்மை இணை இயக்குனர் ராஜசேகர் தலைமை தாங்கினார்.

மகளிர் திட்ட அலுவலர் உமாமகேஸ்வரி, கலந்து கொண்டு பேசினார். கந்திலி வட்டார வேளாண்மை உதவி இயக்குனர் மற்றும் திட்ட ஒருங்கிணைப்பாளர் பெரியசாமி கலந்து கொண்டு பயிற்சி அளித்தார். முகாமில் மகளிர் சுய உதவிக்குழுவினர் கலந்து கொண்டனர்.