திருச்சி-ராமேசுவரம் ரெயில் மானாமதுரையுடன் நிறுத்தம்

மதுரை கோட்ட ரெயில்வேக்கு உள்பட்ட சூடியூர்-பரமக்குடி இடையே தண்டவாள பராமரிப்பு பணிகள் நடந்து வருவதால் அந்த பாதையில் இயக்கப்படும் ரெயில்களின் போக்குவரத்தில் மாற்றம் செய்யப்பட்டுள்ளது. அதன்படி, திருச்சி-ராமேசுவரம் எக்ஸ்பிரஸ் ரெயில் (வ.எண்.16849/16850) மானாமதுரை-ராமநாதபுரம் இடையே ரத்து செய்யப்பட்டு மானாமதுரை வரை மட்டும் இயக்கப்படும். அதாவது, இன்று (செவ்வாய்க்கிழமை) முதல் 13-ந் தேதி வரை, 15-ந் தேதி, 17-ந் தேதி முதல் 20-ந் தேதி வரை, 22-ந் தேதி, 24-ந் தேதி முதல் 27-ந் தேதி வரை மற்றும் 29-ந் தேதி ஆகிய நாட்களில் இந்த ரெயில் இரு மார்க்கங்களிலும் மானாமதுரை வரை மட்டும் இயக்கப்படும். மானாமதுரையில் இருந்து திருச்சி செல்லும் ரெயில் வழக்கமான நேரத்தில் புறப்பட்டு செல்லும்.