மொபட் மீது லாரி மோதல்; மனைவி பலி-கணவர் படுகாயம்

புதுக்கோட்டை:

புதுக்கோட்டை அருகே வடவாளம் பகுதியை சேர்ந்தவர் முத்தையா (வயது 55). இவரது மனைவி தமிழரசி (50). இவர்கள் 2 பேரும் நேற்று முன்தினம் புதுக்கோட்டையில் இருந்து வீட்டிற்கு மொபட்டில் சென்று கொண்டிருந்தனர். அப்போது முள்ளூர் கீழ ஊரணி அருகே சென்ற போது பின்னால் வந்த லாரி, மொபட் மீது மோதியது. இதில் 2 பேரும் தூக்கி வீசப்பட்டு படுகாயமடைந்தனர். தமிழரசி சம்பவ இடத்திலேயே பரிதாபமாக இறந்தார். படுகாயமடைந்த முத்தையா சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனையில் அனுமதிக்கப்பட்ட பின் மேல் சிகிச்சைக்காக மதுரையில் தனியார் மருத்துவமனையில் சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து குறித்து கணேஷ்நகர் போலீசார் வழக்குப்பதிவு செய்து விசாரணை நடத்தி வருகின்றனர்.