நாமகிரிப்பேட்டையில் ரூ.14 லட்சத்துக்கு மஞ்சள் ஏலம்

நாமகிரிப்பேட்டையில்

ரூ.14 லட்சத்துக்கு மஞ்சள் ஏலம்

ராசிபுரம்:

மஞ்சள் ஏலம்

நாமகிரிப்பேட்டையில் உள்ள ராசிபுரம் வேளாண் உற்பத்தியாளர்கள் கூட்டுறவு சங்கத்தில் ஒவ்வொரு வாரமும் செவ்வாய்க்கிழமை மஞ்சள் ஏலம் நடந்து வருகிறது. அதன்படி வழக்கம்போல் நேற்று மஞ்சள் ஏலம் நடந்தது. நாமகிரிப்பேட்டை, அரியாக்கவுண்டம்பட்டி, ஒடுவன்குறிச்சி, தொப்பப்பட்டி, புதுப்பட்டி, மெட்டாலா, முள்ளுக்குறிச்சி, பேளுக்குறிச்சி மற்றும் சுற்றுவட்டார கிராமங்களை சேர்ந்த விவசாயிகள் மஞ்சளை ஏலத்திற்கு கொண்டு வந்திருந்தனர். ஒடுவன்குறிச்சி, நாமகிரிப்பேட்டை, ஈரோடு, சேலம், ஆத்தூர் போன்ற பல்வேறு பகுதிகளை சேர்ந்த வியாபாரிகள் மஞ்சளை ஏலம எடுத்தனர்.

ரூ.14 லட்சத்துக்கு விற்பனை

ஏலத்துக்கு விரலி ரகம் 325 மூட்டைகளும், உருண்டை ரகம் 100 மூட்டைகளும், பனங்காலி ரகம் 5 மூட்டைகளும் கொண்டு வரப்பட்டு இருந்தன. இதில் விரலி ரகம் குறைந்தபட்சமாக ஒரு குவிண்டால் ரூ.5 ஆயிரத்து 665 முதல் அதிகபட்சமாக ஒரு குவிண்டால் ரூ.7 ஆயிரத்து 445-க்கும், உருண்டை ரகம் குறைந்தபட்சமாக ஒரு குவிண்டால் ரூ.5 ஆயிரத்து 12-க்கும், அதிகபட்சமாக ஒரு குவிண்டால் ரூ.5 ஆயிரத்து 802-க்கும், பனங்காலி ரகம் குறைந்தபட்சமாக ஒரு குவிண்டால் ரூ.5 ஆயிரத்து 12-க்கும், அதிகபட்சமாக ஒரு குவிண்டால் ரூ.8 ஆயிரத்து 12-க்கும் ஏலம் விடப்பட்டது. மொத்தம் ரூ.14 லட்சத்துக்கு மஞ்சள் விற்பனையானது.