நாமகிரிப்பேட்டையில் ரூ.28 லட்சத்துக்கு மஞ்சள் ஏலம்

ராசிபுரம்:

நாமகிரிப்பேட்டையில் உள்ள ஆர்.சி.எம்.எஸ். சங்கத்தில் நேற்று மஞ்சள் ஏலம் நடந்தது. இந்த ஏலத்திற்கு நாமகிரிப்பேட்டை, அரியாக்கவுண்டம்பட்டி, ஒடுவன்குறிச்சி, தொப்பப்பட்டி, புதுப்பட்டி, நாமகிரிப்பேட்டை, மெட்டாலா, முள்ளுக்குறிச்சி, பேளுக்குறிச்சி மற்றும் சுற்றுவட்டார கிராமங்களை சேர்ந்த விவசாயிகள் விரலி ரகம் 500 மூட்டைகளும், உருண்டை ரகம் 160 மூட்டைகளும், பனங்காலி ரகம் 10 மூட்டைகளையும் விற்பனைக்காக கொண்டு வந்தனர். ஒடுவன்குறிச்சி, நாமகிரிப்பேட்டை, ஈரோடு, சேலம், ஆத்தூர் போன்ற பல்வேறு பகுதிகளை சேர்ந்த வியாபாரிகள் மஞ்சளை ஏலம் எடுத்தனர். இதில் விரலி ரகம் குறைந்தபட்சமாக ஒரு குவிண்டால் ரூ.6,235 முதல் அதிகபட்சமாக ரூ.7,855-க்கும், உருண்டை ரகம் குறைந்தபட்சமாக ஒரு குவிண்டால் ரூ.5,965-க்கும், அதிகப்பட்சமாக ரூ.6,685-க்கும், பனங்காலி ரகம் குறைந்தபட்சமாக ஒரு குவிண்டால் ரூ.9,022-க்கும், அதிகப்பட்சமாக ரூ.10,502-க்கும் ஏலம் போனது. மொத்தம் ரூ.28 லட்சத்துக்கு மஞ்சள் விற்பனையானது.