தூத்துக்குடி வேளாண்மை விரிவாக்க மைய அமைச்சு பணி அலுவலர் சங்க கொடியேற்று விழா

தமிழ்நாடு வேளாண்மை விரிவாக்க மைய அமைச்சு பணி அலுவலர் சங்கத்தின் புதிய கொடிக்கம்பம் தூத்துக்குடி மாவட்ட கலெக்டர் அலுவலக வளாகத்தில் உள்ள வேளாண்மை திட்ட இயக்குனர் அலுவலக வளாகத்தில் அமைக்கப்பட்டு உள்ளது. இதில் கொடியேற்றும் நிகழ்ச்சி நடந்தது. நிகழ்ச்சிக்கு தமிழ்நாடு வேளாண்மை விரிவாக்க மைய அமைச்சு பணி அலுவலர் சங்க மாவட்ட தலைவர் கு.வினைதீர்த்தான் தலைமை தாங்கினார். மாவட்ட செயலாளர் பா.கோபால் வரவேற்று பேசினார். ஜேம்ஸ் சகாயராஜ் சங்க கொடியினை ஏற்றி வைத்தார். மாவட்ட பொருளாளர் செந்திவேல் வாழ்த்தி பேசினார். நிகழ்ச்சியில் அரசு சார்ந்த திட்டங்கள் அனைத்தையும், நல்ல முறையில் செயல்படுத்துவது என சங்க நிர்வாகிகள் அனைவரும் உறுதி மொழி ஏற்றனர். நிகழ்ச்சியில் சங்க உறுப்பினர்கள் கலந்து கொண்டனர். மாவட்ட அமைப்பு செயலாளர் பா.ஹரிதாஸ் நன்றி கூறினார்.