டி.வி. மெக்கானிக்கை தாக்கிய 2 பேர் மீது வழக்கு

கிருஷ்ணராயபுரம் அருகே உள்ள காட்டூர் பகுதியை சேர்ந்தவர் மகேஸ்வரன் (வயது 45). டி.வி. மெக்கானிக். இவர் மாயனூரில் டி.வி. மெக்கானிக் கடை வைத்து நடத்தி வருகிறார். இவரது கடையில் கதிரேசன் என்பவர் வேலை பார்த்து வருகிறார். இந்நிலையில் சம்பவத்தன்று கடைக்கு வந்த காட்டூர் பகுதியை சேர்ந்த ரவி, கட்டளை பகுதியை சேர்ந்த தினேஷ் ஆகியோர் தகராறில் ஈடுபட்டு, மகேஸ்வரனை தாக்கி கொலை மிரட்டல் விடுத்ததாக கூறப்படுகிறது.

இதில் காயம் அடைந்த மகேஸ்வரன் கரூர் அரசு மருத்துவக்கல்லூரி மருத்துவமனையில் அனுமதிக்கப்பட்டு சிகிச்சை பெற்று வருகிறார். இதுகுறித்த புகாரின்பேரில், மாயனூர் போலீசார் ரவி, தினேஷ் ஆகிய 2 பேர் மீது வழக்குப்பதிந்து விசாரணை நடத்தி வருகின்றனர்.