சமயநல்லூர் அருகே டிராக்டர் மீது அரசு பஸ் மோதிய விபத்தில் மேலும் 2 பேர் உயிரிழப்பு

வாடிப்பட்டி

சமயநல்லூர் அருகே டிராக்டர் மீது அரசு பஸ் மோதிய விபத்தில் மேலும் 2 பேர் உயிரிழந்தனர்.

டிராக்டர் மீது பஸ் மோதியது

மதுரை மாவட்டம் சமயநல்லூர் அருகே பரவை மில் காலனி எதிராக சாலை தடுப்பில் மண் அள்ளிக்கொண்டிருந்த டிராக்டர் மற்றும் தொழிலாளர்கள் மீது நேற்று முன்தினம் இரவு அரசு பஸ் மோதியது. இந்த விபத்தில் சம்பவ இடத்திலேயே ஆரப்பாளையத்தைச் சேர்ந்த கண்ணன் (வயது38) என்பவர் இறந்தார். அதன் பின் நள்ளிரவில் அடையாளம் தெரியாத மற்றொரு நபரும் இறந்தார்.

இந்த சம்பவத்தில் படுகாயம் அடைந்து ஆரப்பாளையம் மஞ்சள் மேடு காலனியைச் சேர்ந்த சரவணகுமார் (40) என்பவர், ஆஸ்பத்திரியில் சிகிச்சை பெற்று வந்த நிலையில், சிகிச்சை பலனின்றி அவரும் உயிரிழந்தார்.

போலீஸ் விசாரணை

இதனால் பலி எண்ணிக்கை 3-ஆக உயர்ந்துள்ளது. மேலும் காயமடைந்த பரவை ரஞ்சித், வளையங்குளம் ஆறுமுகம், நிலக்கோட்டை பொன்ராமன், கல்லணை மகாலிங்கம், விளாங்குடி வெள்ளையன், கரிமேடு காதர் பாட்சா ஆகியோர் மதுரை அரசு மருத்துவமனையில் சிகிச்சை பெற்று வருகின்றனர்.

இதுகுறித்து சமயநல்லூர் போலீஸ் இன்ஸ்பெக்டர் ஆனந்தி, சப்-இன்ஸ்பெக்டர் பழனி ஆகியோர் வழக்கு பதிவு செய்து விசாரித்து வருகிறார்கள்.