அடையாளம் தெரியாத மூதாட்டி பிணம்

குத்தாலம்:

குத்தாலம் அருகே தேரழுந்தூர் மேக்கரிமங்கலம் பிரதான சாலை, மேலையூர் ஊராட்சி பயணிகள் நிழற்குடையில் 85 வயது மதிக்கத்தக்க மூதாட்டி ஒருவர் இறந்த நிலையில் பிணமாக கிடந்துள்ளார். இது குறித்து மேலையூர் கிராம நிர்வாக அதிகாரி ஜார்ஜ் பெர்னாண்டஸ் குத்தாலம் போலீஸ் நிலையத்தில் புகார் அளித்தார். அந்த புகாரின் பேரில் குத்தாலம் போலீஸ் இன்ஸ்பெக்டர் அமுதாராணி மற்றும் போலீசார் சம்பவ இடத்திற்கு சென்று இறந்து கிடந்த மூதாட்டியின் உடலை கைப்பற்றி பிரேத பரிசோதனைக்காக மயிலாடுதுறை அரசு ஆஸ்பத்திரிக்கு அனுப்பி வைத்தனர். இறந்தவர் யார்? எந்த ஊரை சேர்ந்தவர்? என்பது குறித்து போலீசார் விசாரணை நடத்தி வருகின்றனர்.