விநாயகர் கோவில் கும்பாபிஷேகம்

தாயில்பட்டி,

வெம்பக்கோட்டை அருகே உள்ள ஜெகவீரம்பட்டியில் சித்தி விநாயகர் கோவிலில் கும்பாபிஷேகம் நடத்த முடிவு செய்யப்பட்டு திருப்பணிகள் நடைபெற்றன. பணிகள் நிறைவுபெற்ற நிலையில் கும்பாபிஷேகம் நடந்தது. முன்னதாக முதல் காலயாக பூஜை, கணபதி ஹோமம், தீபாராதனை, 2-ம் கால யாக பூஜை, மகா கணபதி பூஜை, விமான கலசத்திற்கு சிறப்பு பூஜை நடந்தது. தொடர்ந்து நடைபெற்ற கும்பாபிஷேக விழாவில் திரளான பக்தர்கள் கலந்து கொண்டு சாமி தரிசனம் செய்தனர்.