வார இறுதி நாட்கள்: தமிழகம் முழுவதும் இன்று 600 சிறப்பு பேருந்துகள் இயக்கம்

சென்னை,

அரசு விரைவுப் போக்குவரத்துக்கழக மேலாண் இயக்குநர் வெளியிட்டுள்ள செய்திக்குறிப்பில் கூறப்பட்டிருப்பதாவது:-

வார இறுதி நாள்களான வரும் சனி முதல் திங்கள்கிழமை (ஜூலை 22-24) சென்னையிலிருந்தும் பிற இடங்களிலிருந்தும் கூடுதலான பயணிகள் தமிழகம் முழுவதும் பயணம் மேற்கொள்வார்கள் என எதிா்பார்க்கப்படுகிறது. இதனை கருத்தில் கொண்டு, பயணிகள் எந்தவித சிரமும் இன்றி பயணம் மேற்கொள்ள ஏதுவாக தமிழ்நாடு அரசு போக்குவரத்துக் கழகங்கள் மூலமாக தினசரி இயக்கப்படும் பேருந்துகளுடன் கூடுதலாக சிறப்பு பேருந்துகளை இயக்கிட திட்டமிடப்பட்டுள்ளது.

அதன்படி சென்னையிலிருந்து தமிழகத்தின் முக்கிய இடங்களுக்கு, இன்று (வெள்ளிக்கிழமை) தினசரி இயங்கக்கூடிய பேருந்துகளுடன் கூடுதலாக 300 சிறப்பு பேருந்துகளும் மற்றும் கோவை, மதுரை, திருநெல்வேலி, திருச்சி, சேலம் போன்ற இடங்களிலிருந்து முக்கிய இடங்களுக்கும் மற்றும் பெங்களூரிலிருந்து பிற இடங்களுக்கும் 300 சிறப்பு பேருந்துகள் என ஆக மொத்தம் 600 சிறப்புப் பேருந்துகள் இயக்கத் திட்டமிடப்பட்டுள்ளது.

இந்த வார இறுதியில் பயணம் மேற்கொள்வதற்கு இதுவரை 7,258 பயணிகள் முன்பதிவு செய்துள்ளனர். இந்த சிறப்பு பேருந்து இயக்கத்தினை கண்காணித்திட அனைத்து பேருந்து நிலையங்களிலும் போதிய அலுவலர்கள் நியமிக்கப்பட்டுள்ளனர். எனவே, பயணிகள் மேற்கூறிய வசதியினை பயன்படுத்தி தங்களது பயணத்தினை மேற்கொள்ள வேண்டும்.

இவ்வாறு அதில் கூறப்பட்டுள்ளது.