காட்டுப்பன்றிகள் உலா; பொதுமக்கள் பீதி

கூடலூர்,

கூடலூர் நகருக்குள் காட்டு யானைகள், காட்டுப்பன்றிகள் அடிக்கடி புகுந்து வருகின்றன. இந்தநிலையில் மேல் கூடலூர் குடியிருப்பு பகுதிகளில் பகல் நேரத்தில் காட்டுப்பன்றிகள் நடமாட்டம் அதிகரித்து உள்ளது. இதனால் பொதுமக்கள் அச்சம் அடைந்து, வீடுகளை பூட்டி விட்டு உள்ளே முடங்க வேண்டிய நிலை உள்ளது. சில சமயங்களில் காட்டுப்பன்றிகள் தாக்கவும், துரத்தவும் முயற்சி செய்கிறது. இதனால் பள்ளி செல்லும் மாணவ-மாணவிகள் பீதியுடன் சென்று வருகின்றனர். எனவே, காட்டுப்பன்றி உள்ளிட்ட வனவிலங்குகள் வராமல் தடுக்க நடவடிக்கை எடுக்க வேண்டும் என கூடலூர் பகுதி மக்கள் கோரிக்கை விடுத்து உள்ளனர்.