பெரியகுளம் அருகே அனுமதியின்றி பட்டாசுகள் வைத்திருந்தவர் கைது

பெரியகுளம் பகுதியில் உள்ள ஒரு வீட்டில் வெடிபொருட்கள் வைத்திருப்பதாக போலீசாருக்கு தகவல் கிடைத்தது. அதன்பேரில் பெரியகுளம் போலீஸ் சப்- இன்ஸ்பெக்டர் மற்றும் போலீசார் எ.புதுப்பட்டி பகுதியில் ரோந்து பணியில் ஈடுபட்டனர். அப்போது எ.புதுப்பட்டியை சேர்ந்த சுரேஷ் (வயது 49) என்பவரின் வீட்டின் பின்புறம் அனுமதியின்றி மொத்தமாக பட்டாசுகளை வாங்கி வைத்திருந்தது கண்டுபிடிக்கப்பட்டது. இதையடுத்து அதனை பறிமுதல் செய்த போலீசார், வழக்குப்பதிவு செய்து அவரை கைது செய்தனர்.