மூதாட்டியை தாக்கிய பெண் கைது

விழுப்புரம்:

விழுப்புரம் வண்டிமேடு பகுதியை சேர்ந்தவர் சின்னதாஸ் மனைவி பாஸ்கரதேவி (வயது 73). இவருடைய வீட்டில் வண்டிமேடு வடிவேல் நகரை சேர்ந்த சரவணன் மனைவி சரளா (35) என்பவர் ஒரு வருடமாக வாடகைக்கு குடியிருந்தார். அப்போது அவர் ரூ.5 ஆயிரம் முன்பணமாக கொடுத்துள்ளார். தற்போது சரளா, அந்த வீட்டை காலி செய்துள்ளார். ஆனால் அவர் கொடுத்த முன்பணத்தை பாஸ்கரதேவி, இதுவரை திரும்ப கொடுக்கவில்லை. இந்த பணத்தை திருப்பித்தரும்படி கேட்டு பாஸ்கரதேவியை சரளா திட்டி கையால் தாக்கியதாக கூறப்படுகிறது. இதுகுறித்து பாஸ்கரதேவி, விழுப்புரம் மேற்கு போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து சரளாவை கைது செய்தனர்.