மூதாட்டியிடம் கத்தி முனையில் சங்கிலி பறித்த பெண் கைது

எடமலைப்பட்டிபுதூர் காளியம்மன் கோவில் தெருவை சேர்ந்தவர் சுலோச்சனா(வயது 70). இவர் தனியார் பள்ளியில் ஊழியராக பணிபுரிந்து வருகிறார். இவர் சம்பவத்தன்று எடமலைப்பட்டிபுதூர் மெயின் ரோட்டில் அரசு காலனி பஸ்நிறுத்தம் அருகே நடந்து சென்று கொண்டிருந்தார். அப்போது அங்கு வந்த ஒரு பெண் கத்தி முனையில் சுலோச்சனா கழுத்தில் கிடந்த 1¾ பவுன் தங்க சங்கிலியை பறித்து சென்றார். இதுகுறித்து சுலோச்சனா கொடுத்த புகாரின் பேரில் எடமலைப்பட்டிபுதூர் போலீசார் வழக்குப்பதிவு செய்து, விசாரணை நடத்தி வந்தனர். விசாரணையில் மதுரை அண்ணாநகரை சேர்ந்த பிரியா(28) என்பவர் சங்கிலியை பறித்து சென்றது தெரியவந்தது. இதனையடுத்து அவரை போலீசார் கைது செய்தனர்.