குற்றாலம் பூங்காவில் பெண் தற்கொலை

குற்றாலம் பேரூராட்சிக்கு சொந்தமான விஸ்வநாதராவ் பூங்கா பேரூராட்சி அலுவலகத்திற்கு எதிரே உள்ளது. இந்த பூங்காவில் நேற்று காலை சுமார் 50 வயது முதல் 60 வயது வரை மதிக்கத்தக்க ஒரு பெண் நீண்ட நேரமாக படுத்து கிடந்தார். அவரது அருகில் சென்ற போது துர்நாற்றம் வீசியது. இதுகுறித்து அந்த பகுதியில் சென்றவர்கள் குற்றாலம் போலீசில் தகவல் கொடுத்தனர்.

போலீசார் வந்து பார்த்தபோது அந்த பெண் இறந்து கிடந்தார். விஷம் குடித்து தற்கொலை செய்ததும் தெரியவந்தது. தொடர்ந்து அவரது உடலை போலீசார் கைப்பற்றி பரிசோதனைக்காக தென்காசி அரசு ஆஸ்பத்திரிக்கு அனுப்பி வைத்தனர். அவர் யார்? எந்த ஊரைச் சேர்ந்தவர்?, தற்கொலைக்கான காரணம் என்ன என்பது குறித்து போலீசார் தீவிர விசாரணை நடத்தி வருகிறார்கள்.